راولپنڈی,باباجی دلاور حسین اور میاں محمد ریاض کا چوہدری دانیال عزیز کی اہلیہ رکن قومی اسمبلی محترمہ مہناز اکبرعزیزکے ساتھ گروپ فوٹو |
راولپنڈی (رپورٹ میاں محمد شہباز) حضرت بابا جی قلندر حسین قلندر شہنشاہ جلالی ؒ کے صاحب زادے اور معروف روحانی شخصیت بابا جی دلاور حسین آستانہ عالیہ امیراں آباد بڑاپنڈ نارووال اور آزاد کشمیر کے معروف ٹھیکیدار میاں محمد ریاض نے سی ایم ایچ راولپنڈی میں مسلم لیگ ن کے سینیئر رہنما دانیال عزیز کی عیادت کی اس دوران باباجی دلاور حسین اور میاں محمد ریاض نے دانیال عزیز سے گفتگو کے دوران ان کی جلد صح یابی کی دعا بھی کی۔ الحمدللہ دانیال عزیز کا آپریشن بھی کامیاب رہااور دنیا بھر میں اور خصوصی طور پر پاکستان میں ان کے چاہنے والوں کی دعاؤں سے چوہدری دانیال عزیز زندگی کی طرف لوٹ رہے ہیں۔
بعد ازاں باباجی دلاور حسین اور میاں محمد ریاض نے چوہدری دانیال عزیز کی اہلیہ رکن قومی اسمبلی محترمہ مہناز اکبر عزیز اور ان کے بیٹے میکال عزیز سے بھی ملاقات کی اس موقع پر باباجی دلاور حسین کو پھولوں کا گلدستہ پیش کیا گیا محترمہ مہناز اکبر عزیز نے اہل علاقہ کا شکریہ ادا کیا جن کی دعاؤں سے اللہ تعالیٰ نے چوہدری دانیال عزیز صاحب کو دوبارہ زندگی کی نعمت عطا کی۔ اہل علاقہ اس مشکل گھڑی میں ان کے ساتھ شانہ بشانہ کھڑے ہیں۔ باباجی دلاور حسین نے اس موقع پر دعا کی کہ اللہ تعالی چودھری دانیال عزیز کو صحت عاجلہ و کاملہ عطا فرمائے اور وہ جلد عوام کی خدمت کا مشن دوبارہ شروع کریں،اللہ پاک ان کو سلامت رکھے۔ آمین
میکال عزیز باباجی دلاور حسین کو گلدستہ پیش کررہے ہیں |
تحریر کے بارے میں اپنی رائے بھیجیں